نصائح من شخص حول من السودان الي مصر
كلام هيفيدك لو عايز تحول مصر ، الكلام ده عرفته أنا وماشي في اجراءات التحويل واللي للأسف اغلبه محدش رضي يعطيني فكرة عنه وده بسبب أن كل شخص بيسعي لمصلحته الشخصية حتي لو كان مقابل ضررك..
بالنسبة لخطوات التحويل بسيطة وصعبه في نفس الوقت ، بمعني انه أوراقه بسيطة وفي نفس الوقت بتكون صعب تخرجهت من جامعتك في السودان ولكن طبعاً كل جامعة بيكون لها مداخل تجيب منه الورق ده.
الأوراق هي :-
من السودان 🇸🇩
١-محتوي علمي ( عبارة عن توضيح للمنهج اللي درسته وبيكون عبارة عن لايقل 20 ورقة وممكن يصل ل60 ورقة) وده بيكون متوثق من الجامعة فقط .
٢- شهادة تفاصيل ( وهي نتيجتك) بتوثقها من التعليم العالي والخارجية السودانية واعمل حسابك هتاجي توثقها سفارة سودانية علشان تقدر توثقها خارجية مصرية .
٣- بعض الجامعات في مصر بتحتاج شهادة حسن سير وسلوك.
.....................
من مصر 🇪🇬
١- شهادة تحركات من مكتب الجوازات في العباسية ودي بتخرجها بعد ما تتقبل بإذن الله
٢- شهادة الثانوية الأصلية أو بيان درجات
٣- شهادة الميلاد
٤- الباسبور بتاعك يكون موضح عليه اختام الدخول والخروج
............
النصائح إللي ممكن انصحك بيها لو بتفكر تدرس سنة في السودان وتحول مصر
١- ادرس في جامعة أو كلية تكون معتمدة
٢- ادرس في جامعة أو كلية يكون محتواها اول سنة مشابه لمصر بالظبط او مقارب حتي وده علشان تقدر تدخل علي سنتك
٣- حاجة لازم تبقي عارفها وهي " الحد الأدنى " لسنتك أهم شرط وأول شرط يعني لو مش جايب الحد الأدنى صدقني أختار جامعة كويسة في السودان أو في أي دولة واستقر فيها وبإذن الله سنينك هتخلص علي خير .
.